← 返回遊戲目錄

確據課程・隊際挑戰

確據擂台

每隊揀一個確據，對住一個「聽到撒但耳語」嘅初信朋友，用 2 分鐘講到佢安心——要講齊必講內容，唔准用教會術語。

流程（約 22 分鐘）

揀確據 1′→ 預習・分工 6′→ 抽對象・出擂台 2′ ×3→ 評分 1′ ×3→ 頒獎・總結 3′

分 3 隊，每隊夾 1–2 個 Zoom 嘅人。揀確據：猜包剪揼，贏嘅先揀，唔可以重複。預習時各隊撳開下面自己嗰張確據卡（Zoom 隊員自己開 teams.bchk.org 睇）。

Zoom 隊員必有角色：由佢哋負責「背出經文」嗰一段，鏡頭前講。全隊每個人都要出聲。

評判：Billy + 師母。其他兩隊做「術語糾察」——聽到術語即刻嗌 Buzz，評判裁定成立就記一次。

計分（評判照單剔）

術語清單（自己解釋時唔准用）：

救恩得救稱義重生成聖屬靈交託寶血救贖肢體弟兄姊妹恩典阿們蒙應允信靠仰賴認定試探赦免認罪永生見證

「試探」「赦免」「永生」喺經文入面出現冇問題，但講解時要翻譯——例如「試探」→「引你做錯嘢嘅時候」。呢個就係練習嘅重點。

抽對象（每隊出擂台前先抽）

撳「抽對象」

抽完之後，主持讀：「你哋嘅對象係【呢個人】，佢心入面把聲話……」然後讀出該確據卡上嘅撒但耳語。

計時

2:00

五個確據卡（預習用・撳開）

1救恩的確據約壹五：11–12

「這見證，就是神賜給我們永生，這永生也是在他兒子裏面。人有了神的兒子就有生命；沒有神的兒子就沒有生命。」約翰壹書五：11–12

撒但耳語「你別以為單靠相信同接受耶穌，你嘅罪就可以被赦免、就可以得救——咁梗係唔夠啦！」
必講重點
  • 唔好憑感覺衡量自己有冇得救——憑神寫低嘅話（約壹五：13「要叫你們知道自己有永生」）
  • 永生係神「賜」嘅，唔係自己賺返嚟
  • 永生喺耶穌裏面：有咗祂就有，冇祂就冇——好簡單嘅兩句
  • 生活例子提示：好似出世紙——你有冇做過乜嘢唔影響你係咪呢家人
2應允禱告的確據約十六：24

「向來你們沒有奉我的名求甚麼，如今你們求就必得著，叫你們的喜樂可以滿足。」約翰福音十六：24

撒但耳語「你別以為神真係關心你。祂離你咁遠，仲有好多比你重要嘅事要理——唔好指望祂會聽你祈禱，仲講咩應允。」
必講重點
  • 信咗耶穌，就有直接同天父傾偈嘅特權（腓四：6）
  • 「奉耶穌嘅名求」＝憑祂嘅身分同資格去求，唔係靠自己夠唔夠好
  • 結果係「喜樂滿足」——唔一定樣樣照俾（太七：9–11 父親唔會俾有害嘅嘢）
  • 生活例子提示：細路仔向阿爸攞嘢 vs 陌生人向老闆攞嘢
3得勝的確據林前十：13

「你們所遇見的試探，無非是人所能受的；神是信實的，必不叫你們受試探過於所能受的；在受試探的時候，總要給你們開一條出路，叫你們能忍受得住。」哥林多前書十：13

撒但耳語「冇錯，你係有新生命，但你好軟弱㗎，一向都係咁。其他嘢或者得，但呢樣嘢——你一定戒唔到。」
必講重點
  • 你遇到嘅引誘唔係獨一無二，人人都經歷過
  • 神信實——祂唔會俾你頂唔順嘅（唔係話唔會有引誘）
  • 每次一定有一條「出路」——重點係搵嗰條路，唔係靠意志硬撐
  • 生活例子提示：戒煙／爆買／發脾氣——嗰一刻嘅「出路」係咩
4赦免的確據約壹一：9

「我們若認自己的罪，神是信實的，是公義的，必要赦免我們的罪，洗淨我們一切的不義。」約翰壹書一：9

撒但耳語「你唔係基督徒咩？點解仲做呢啲嘢？基督徒唔應該係咁㗎喎。」
必講重點
  • 信咗都會跌倒——神早已預備好呢句話俾跌倒嘅仔女
  • 「認」＝坦白講出嚟，加上肯離開嗰樣嘢嘅心
  • 神唔止唔追究，仲會「洗淨」——內疚唔使揹住成世（來十：17）
  • 生活例子提示：細路打爛嘢，係匿埋定係走去同阿媽講
5引導的確據箴三：5–6

「你要專心仰賴耶和華，不可倚靠自己的聰明，在你一切所行的事上都要認定他，他必指引你的路。」箴言三：5–6

撒但耳語「將來點算？呢個新生命會變成點？神真係會帶你行？定係你自己執生好過？」
必講重點
  • 三個動作：全心依賴祂・唔靠自己嘅小聰明・大小事都當祂在場
  • 一個應許：祂必指引你嘅路
  • 祂帶得比你自己揀好，因為祂知你嘅需要（賽五十五：8–9）
  • 生活例子提示：轉工／揀學校／買樓——「認定祂」實際上係做咩

評判計分表（撳名可改隊名）

總結（3 分鐘）

問：「邊個確據你自己最需要聽？」——隨機點兩個人。

課程講得好清楚：撒但嘅攻擊係「耳語」，唔係大炮。每一課都係一句耳語 vs 一句神嘅話。我哋今晚練嘅，係將嗰句話講到一個初信嘅人聽得入耳。

你哋組入面一定有人而家正聽緊其中一句耳語。今個星期，搵佢，用你今晚練嗰套講俾佢聽。

「我將這些話寫給你們信奉神兒子之名的人，要叫你們知道自己有永生。」（約壹五：13）